Responsabilidade social

SAMU recoñécese como unha organización cuns principios e valores que alicerzan o seu compromiso social, garante de accións transparentes, éticas e responsábeis.

Dende o ano 1999 SAMU implantou un sistema de xestión de calidade nas diferentes áreas de intervención nas que actúa, dispondo actualmente da Certificación do Sistema de Xestión de Calidade consonte ás normas ISO 9001 e ISO 14001.

Así mesmo, a entidade implantou áreas de xestión corporativas específicas que responden ás necesidades relativas aos ámbitos social, laboral, medio ambiente, sanitario e de dereitos humanos, dentro dun sistema sustentábel.

Código ético Innovación Sustentabilidade Igualdade Cumprimento

Código ético

SAMU ten un código ético que recolle os principios, valores e convencementos xerais que fundamentan todas as accións principiadas pola entidade, nos seus diferentes eidos de actuación. Este código integra o espírito de traballo en equipo, de responsabilidade, innovación, proactividade e compromiso coa sociedade que sempre o caracterizou.

Por iso, SAMU comprométese ao cumprimento deste código na súa tarefa diaria, avalando a súa actitude e comportamento ético.

Innovación

Facer as cousas cada día mellor forma parte do carácter de SAMU e por iso aposta pola innovación coma piar básico na súa estrutura de xestión.

A innovación achega carisma e fluidez ás actuacións da entidade, e permite tres grandes obxectivos:

Minimiza os puntos críticos da organización utilizando propostas innovadoras.
Permite adaptarse a organización aos cambios socio-económicos do momento. Asegura a continuidade.
Busca a excelencia.

Por todo iso, SAMU identificou e reforzou esta área impulsando un plano de innovación anual no que se atopan accións relativas a:

O uso de novas tecnoloxías de xeito profesionalizado coma eixe vertebrador.
Investigación.
Desenvolvemento en metodoloxías e procesos na atención ás persoas máis vulnerábeis.

Sustentabilidade

No ano 2000 os 189 países membros da ONU propuxéronse 8 obxectivos de desenvolvemento humano, os coñecidos obxectivos de desenvolvemento do milenio, cun termo para o seu cumprimento ata o ano 2015. Os ODM son as metas que o mundo fixou para loitar contra a pobreza extrema nas súas varias dimensións: fame, enfermidade, pobreza de ingresos, falta de vivenda axeitada, exclusión social, problemas de educación e de sustentabilidade ambiental, entre outras.

Tomando como referencia os OMD, puxéronse en marcha os obxectivos de desenvolvemento sustentábel, ampliando os obxectivos e mais acadando aqueles aos que non se chegou.

SAMU, na súa arela de seguir a fortalecer o seu compromiso cos sectores máis vulnerábeis, implantou a área de Sustentabilidade, co fin de cumprir os ODS nas nosas intervencións cotiás. Estes obxectivos forman parte da Axenda da ONU, principiados no ano 2016; a súa finalización prevese para o ano 2030, e son:

Axenda de Sostibilidade SAMU 2030

Descargar documento

Fin da pobreza.
Fame cero.
Saúde e benestar.
Educación de calidade.
Igualdade de xénero.
Auga limpa e saneamento.

Enerxía accesíbel e non contaminante.
Traballo decente e crecemento económico.
Industria, innovación e infraestrutura.
Redución das desigualdades.
Cidades e comunidades sustentábeis.
Produción e consumo responsábeis.

Acción polo clima.
Vida submariña.
Vida de ecosistemas terrestres.
Paz, xusticia e institucións sólidas.
Alianzas para acadar os obxectivos.

Igualdade

SAMU está inmerso nun dos grandes retos do século no que vivimos: a igualdade efectiva de oportunidades e trato entre mulleres e homes baixo o abeiro da Lei Orgánica 3/2007, de 22 de marzo, a Lei de Prevención de Riscos Laborais (Título IV) e mais todo o conxunto de normativas, acordos e planos que o desenvolven.

Asolagado a un proceso de mellora continua da calidade, defínense liñas de actuación relativas á igualdade entre homes e mulleres referentes á conciliación da vida familiar, persoal e laboral, así como de saúde laboral e desenvolvemento profesional, entre outras.

Por iso, a igualdade defínese en SAMU coma piar básico de actuación estrutural, e implántase cun plano de igualdade específico de xeito integrador e revisábel, que profesionaliza os obxectivos e formaliza a responsabilidade organizativa.

Cumprimento

Dende o comezo de 2018 e coa pretensión de reforzar unha xestión sustentábel a respecto da seguranza xurídica e de evitar riscos, estáse a instituír en SAMU o Programa Compliance ou cumprimento normativo. Este programa consiste en establecer políticas e procedimentos axeitados para garantir que a nosa entidade, directivos e empregados cumpran co marco normativo aplicábel ás normas legais, leis e regulamentos, incluíndo amais políticas internas e códigos éticos identitarios.

O Programa Compliance ofrece unha análise e unha avaliación do funcionamento nas diversas áreas e departamentos de SAMU; tamén comporta unha serie de actuacións que se coordinan entre elas e se formulan meticulosamente, como son identificar riscos, previr e asesorar os traballadores.